KILIMANJARO

Msongola

2010-02-09T10:29:00.000+02:00

Students waiting for transport at Msongola village, Dar es salaam.

I AM IN MWANZA CITY

2010-01-17T15:35:00.000+02:00

I am in Mwanza City. Mwanza is a cool, neat and a fast growing city.

La Kairo Hotel where we are staying.

Bismark Rock, one of Mwanza's natural attractions.

La Cairo

TANZANIA, APRIL-MAY 2008

2008-06-01T13:57:00.008+03:00

Ukungu Same

Nyumba yetu Same

WINTER

2008-03-16T17:29:00.005+02:00

Mwaka huu winter haikuwa kali lakini mwezi wa March theluji ilianguka nyingi.

BREMEN

2008-02-15T22:09:00.010+02:00

Baada ya kukaa Cologne kwa siku mbili, nilipanda train kuelekea Bremen. Mwenyeji wangu aliponipokea tulikwenda moja kwa moja kwenye carnival!

Carnival Bremen

Siku iliyofuatia tulikwenda 'shambani' kwa baiskeli!

Kibanda kwenye 'shamba'

Kutoka kwenye ferry

BALANCED DIET

2008-01-24T16:28:00.001+02:00

Hiki chakula nilijiandalia baada ya kuona njaa inazidi!

FRAKFURT HAHN AIRPORT

2008-01-24T10:50:00.000+02:00

Nipo Ujerumani tena kwa shughuli kidogo, na jana usiku nilitua katika uwanja wa ndege wa Frankfurt Hahn kutokea Tampere, Finland, nikielekea Cologne. Kusema kweli, tangu nifike hapo mara ya mwisho, uwanja huo umefanyiwa ukarabati na ujenzi mkubwa. Kwa mfano ukitoka tu nje ya jengo la kufikia kuna Hotel ya Bed and Breakfast, nadhani kwa wale wasafiri ambao wana safari za kuunganisha kesho yake. Vile vile vituo vya mabasi vimejengwa na kuwekewa vielelezo halisi vya mabasi yanapoelekea.

Kituo namba 7 cha mabasi ya kwenda Cologne

Mabasi yakiwa kituoni Frankfurt Hahn Airport

MPANDA KILIMANJARO

2008-01-18T18:26:00.000+02:00

Jamaa anapumzika na ana pose pamoja na kati ya mimea inayoota katika mwanzo wa mlima huo.

FILOSOFIA

2008-01-11T17:58:00.000+02:00

HERI YA MWAKA MPYA 2008

2007-12-31T18:02:00.000+02:00

KWA NIABA YA WATANZANIA WAISHIO TAMPERE, NAPENDA KUWATAKIA WADAU WOTE WA BLOG HII HERI NA FANAKA ZA MWAKA MPYA 2008!

NDEGE

2007-12-07T16:00:00.000+02:00

Ni katika kufukuzia euro!

JUA LINAZAMA DAR ES SALAAM

2007-10-03T10:37:00.001+02:00

Jua linazama Dar es salaam. Picha hii niliipiga miaka ya tisini katikati.

AUTUMN

2007-10-02T12:35:00.000+02:00

Kwa wakati huu hapa Finland ni kipindi cha autumn, baada ya kiangazi na kuja kipindi cha baridi, (winter). Katika wakati huu majani ya miti hugeuka kuwa ya manjano au kahawia na kupuputika kutoka mitini. Itakapofika kipindi cha baridi, majani yote yatakuwa yamepuputika na miti kuonekana kama vile imekauka. Majani hayo huanza kuota tena katika majilio ya kipindi cha joto (spring).

Mkwawa High School tena..

2007-09-23T17:23:00.001+02:00

Nimwewzw kupata picha ambayo imetoka vizuri, ingawa inaelekea mpiga picha alikuwa mwanafunzi wa shughuli hiyo kwani amewakata jamaa waliopo nyuma, vichwa. Mstari wa nyuma kuanzia kushoto ni Peter Bude, Martin Mwasofu, Gerald Sengati, Magwabe na Fidelis Mboya. Walioketi mbele, kutoka kushoto ni Richard Mfukei, Barnaba Sengati, William Mjema na Reuben.

MKWAWA HIGH SCHOOL-1974

2007-09-21T18:07:00.000+02:00

Huu ni mwaka wa 1974 nikiwa Mkwawa High School katika lango la kuingilia shuleni. Nitaweka zingine kwenye blog pindi nikizipata.

Hapo juu nipo na mmojawapo wa marafiki zangu, marehemu Barnaba Sengati (Bandido) ameketi kushoto mwa picha.

SUSHI

2007-09-20T18:42:00.001+02:00

Kila siku nilikuwa nasikia mlo wa Kijapani uitwao sushi. Hapa najaribu sushi katka mgahawa mmoja hapa Tampere. Chakula hicho ni samaki wabichi, wali kiasi na aina ya pilipili (ya kijani pichani) ambayo ina ukali unaodumu kwa muda mfupi. Nilifurahia mlo huo!

TRENI

2007-09-20T18:37:00.001+02:00

Garimoshi kama hili kule Tanzania Same, lilikuwa linapita karibu na nyumbani kwetu (nyumba yetu ipo karibu na reli) kila siku. Siku hizi treni ni za dizeli, na zinapita mara chache sana. Garimoshi hili linapita kwenye reli pana kuliko za kule Tanzania. Hapa ni Tampere, Finland.

FORD PROBE

2007-09-20T18:31:00.001+02:00

FORD PROBE mi mojawapo ya sportscar amabayo haijapewa sifa inayostahili. Ni gari nzuri na inakwenda kasi mno. Hiyo hapo juu ni model ya mwaka 1992 Ford Probe GT 2.2 L Turbo Intercooler.

BENDERA YETU

2007-09-12T21:48:00.000+02:00

Picha hii niliipiga mjini Cologne (Höhenberg) Ujerumani. Inaelekea huyu jamaa alizungukia mpaka kwetu na hiyo pikipiki, au alishakaa huko!!

MPIRA

2007-07-29T19:09:00.000+03:00

Timu ya Watanzania wa Tampere

Katika mechi iliyofanyika Tampere, timu ya Watanzania waishio Helsinki iliifunga timu ya Watanzania wenzao wa Tampere magoli 6 kwa moja. Baada ya mechi hiyo ya kirafiki wachezaji na watazamaji walijumuika kupongezana kwa kuchoma nyama na kujipatia vinywaji.

George Matovu akiongea na Peter Mponzi

Samweli Shange

Ngassa na Ezza

Mchezaji wa Helsink akila danadana

Wachezaji na mtazamaji

Elephant Motel

2007-07-18T20:41:00.000+03:00

Leo nilikuwa na surf kwenye web nikaona niweke hii link ya Hotel yetu ya Kitalii ya Same ijulikanayo kama Elephant Motel. Nitaleta picha za matukio ya hapo baadae.

Rambirambi

2007-07-06T19:56:00.000+03:00

Baada ya baba yangu mpendwa, Mzee Isaac Abraham Mjema kufariki tarehe 4 Aprili 2007, nilirudi tena Finland kuendelea na maisha. Huko nilikuta ndugu na marafiki waliokuwa wananingojea kutoa rambirambi zao. Jamaa wa Tampere walikusanyika kunipa rambirambi, vile vile ndugu zangu wa Helsinki walikuja kuniona na kunipa pole. Nilifarijika sana kwa vitendo hivyo vya umoja na upendo ambavyo sitavisahau daima.

Robert Mhekwa (kushto) akitukabidhi rambirambi za jamaa wa Tampere

Baadhi ya jamaa waliofika

Monty

Kutoka kushoto: Monty, Vivi na Simon

Ngassa na Tony

George MTV

Totoo

Cliff

Tony Matheka

Menard Mponda

George na Calista

Kama nilivyoeleza hapo mwanzoni pia jamaa zangu kutoka Helsinki walikuja Tampere kunipa rambirambi zao.

Stella

Bakari

Mataruma

Mzee Mwenzangu Bonanza (kushoto)

Bonny

Wadau Espoo

2007-06-27T08:14:00.001+03:00

2007-06-26T16:47:00.000+03:00

Mojawapo ya hobby zangu ni kuangalia filamu mbalimbali pale nikipata nafasi ya kupumzika. Hapa nimenaswa bila kujua wakati naweka cd kwenye dvd player!

Pickup

2007-05-26T17:10:00.000+03:00

Ili kufanikisha shughuli za shamba na mifugo huko Tanzania, kunahitajika kuwe na usafiri wa uhakika. Baada ya kurudi kutoka Tanzania nimekuwa nikitafuta huku na huko pickup ya kufanyia shughuli hizo pamoja na kupandia milima ya Mbaga. Pickup hii ilinivutia.

Safari ya Tanzania, March 2007

2007-05-21T19:37:00.000+03:00

Baada ya kurudi Finland mwezi wa February, ilibidi nirudi tena Tanzania kuhudhuria mazishi ya shangazi yangu, pamoja na kumuuguza baba yangu ambaye alikuwa mgonjwa kwa muda mrefu sasa. Nilipokuwa huko nilifanikiwa kupiga picha zilizokuwa na mandhari mbalimbali.

Nipo safarini kuelekea tena Dar es salaam

Mabasi yamesimamishwa Same

Kwa kawaida mabasi yanatakiwa yafike katika vituo kwa muda uliopangwa. Hata hivyo kutokana na na mwendo wa kasi ambao mabasi hayo huendeshwa, mara nyingi huwahi kufika katika vituo kabla ya wakati wake. Hali hiyo ikitokea, polisi wa usalama wa barabarani huyasimamisha kusubiri muda uliopangwa. Hata hiuvyo, kitu muhimu hapa ni kudhibiti miendo mikali ambayo inasababisha ajali nyingi zinazopoteza maisha ya watu.

Mashangingi Ruvu

Kijiji cha Ruvu kiko kilomita kama thelathini hivi kutoka mji wa Same. Kijiji hicho kipo ukingoni wa mto Pangani (au Ruvu, kama unavyoitwa na wenyeji). Kutokana na hali mbaya za barabara Tanzania, magari aina ya mashangingi (4WDs) hutumika sana na mashirika, serikali, na hata watu binafsi.

Kushoto nimepiga picha na rafiki yangu, Raymond Ibwe. Huyu jamaa tulianza darasa la kwanza wote hapo Same Primary School, au NA!

Soko la Kwasakwasa, Same

Siku za Jumapili, soko la Same huhamia kwenye uwanja wa mpira wa zamani, ambapo hupatikana kila aina ya bidhaa, chakula, hadi mitumba!!

Nyumba ya Babu yangu Mwembe Barazani

Babu yangu alikuwa Mlao (Sub chief) wa Mwembe, kama kilomita kumi na tano kutoka Same. Hapo juu ni nyumba yake alipokuwa akifanyia baraza na kazi zake za kiutawala. Mpaka leo sehemu hiyo inajulikana kama Mwembe Barazani kutokana na sababu hiyo. Ukitoka Mwembe, ukipanda milimani unaelekea Mbaga, sehemu ambapo kuna mashamba yetu ya asili. Babu zetu walikaa Mbaga Manka ambapo ndipo misheni ya kwanza ya Kilutheri ilianzishwa.

Mji wa Kisiwani unavyoonekana kutoka Mbaga.

Nyumba ya Danholz

Hapo juu ni nyumba ya Danholz, ambaye alikuwa mmisionari wa kwanza hapo Mbaga Manka. Nyumba hii mpaka leo ina hali nzuri ingawa ilijengwa zaidi ya miaka mia iliyopita. Wenyeji wa Mbaga hutumia mawe kujengea nyumba.

Nyumba ya mawe (chini)

Usharika wa Mbaga

Posta ya Mbaga, Manka.

Nyumba ambayo niliishi nikiwa mtoto mdogo.

Nyumba yetu ya sasa Mbaga

Inavyoonekana kwa nyuma

Baada ya kumaliza shughuliza zangu za Mbaga na kisha za Same, nilielekea Dar. Wakati huo mvua za masika zilikwisha anza ingawa zilichelewa. Picha ya hapo chini ni Chalinze, na hiyo ni hoteli ambayo ipo mbele kidogo ya njia panda ukielekea Dar es salaam. Wanajitahidi!

Hoteli, Chalinze Mvua za Dar!

Mvua zaidi!

Rose Garden - Kijitonyama

Rose Garden ni mojawapo ya sehemu ambazo zinapendwa sana kwa kujipatia viburudisho kama vinywaji, nyama choma, supu mbalimbali pamoja na michemsho.

Arusha

2007-02-08T17:59:00.000+02:00

Nilisimama Moshi kushusha abiria niliokuwa nimewabeba, halafu nikaendelea moja kwa moja mpaka mji wa Arusha. Mara ya mwisho kufika Arusha ilikuwa ni mwaka wa 2005 ambapo sikusimama hapo, bali nilipitiliza moja kwa moja mpaka hifadhi ya wanyama ya Tarangire. Katika safari hiyo niliona kuwa mji ulikuwa umebadilika sana, na kiasi cha watu kilikuwa kimezidi ya kile cha miaka ya mwanzoni mwa 1991 ambapo ndio mara ya mwisho mimi kukaa Arusha kwa muda. Kutokana na kutokuwa na uhakika wa ujuzi wa mji huo, nilimpigia simu jamaa yangu tukutane pale Safari Hotel. Nilimkuta hapo, na baadae tukaenda Ngaramtoni ambapo anaishi jamaa yangu mwingine.

Safari ya Tanzania December 2006 mpaka January 2007

2007-01-24T18:47:00.000+02:00

Ilibidi nifunge safari kwenda nyumbani December 2006 kwa sababu za kifamilia. Nilipokuwa huko, kutokana na shughuli zangu mbali mbali za kila siku na pia katika kuvinjari, nilifanikiwa kupiga picha amabazo zitaeleza kwa kifupi baadhi ya njia nilizopitia na matukio mbali mbali yaliyotokea.

Katika safari hiyo nilikwenda Arusha na kama kawaida nilipitia Moshi na kuuona mlima Kilimanjaro ukiwa umefunikwa na barafu kama ilivyokuwa hapo zamani. Sikuamini macho yangu!

Mlima Kilimanjaro unavyoonekana toka Kisangara

Kwa nini blog hii inaitwa Kilimanjaro?

2006-12-01T19:51:00.000+02:00

Mlima wa Kilimanjaro

Katika kuzurura zurura mtandaoni, niliona blog moja inaitwa Kilimanjaro. Nikawa na hamu ya kujua huyu jamaa wa kwetu ana lipi la kusema. He, kumbe ni Mmarekani, na hakuna chochote alichoandika kinahusiana na mlima wetu wa Kilimanjaro au mkoa wa Kilimanjaro. Msomaji anaweza kuuliza, mbona tangu aanze kusoma hii blog hajaona habari yoyote ya Kilimanjaro? Kwa kifupi, kule Tanzania natokea mkoa wa Kilimanjaro, na jina lenyewe ni maarufu duniani, hivyo litakuwa ni kivutio kwa watu kutaka kusoma hii blog. Natumaini kuwa katika nakala zijazo kutakuwa na habari nyingi kutoka huko.

Mawazo ya kipindi cha baridi.

2006-12-01T16:39:00.000+02:00

Theluji ya kwanza mwaka huu

Mwaka huu hapa Finland, hasa katika mji wa Tampere, kipindi cha baridi kilianza kwa kishindo. Theluji ilianguka nyingi mno kwa siku moja mithili ya ile iliyokuwa ikianguka miaka ya 1992. Hali kama hiyo haijatokea kwa kipindi kirefu kiasi ambacho habari tulizokuwa tunawaeleza wageni wetu kuwa Finland ni nchi ya theluji na baridi kali, zilionekana kana kwamba tulikuwa tunazidisha utambi tu. Kitu cha kushangaza, baada ya wiki kama mbili tu, hali ya joto ilirudia tena na kufanya theluji yote kuyeyuka. Katika kipindi cha baridi, kunakuwa na giza zito, kwani jua huchomoza (kama litaonekana) saa tatu au nne asubuhi na kuzama saa tisa mchana. Hali ya kuwa na giza inapungua kama kuna theluji iliyotanda ardhini. Kutokuwepo kwa theluji kunafanya giza liongezeke zaidi.

Tanzania unawasha gari na kuondoka, huku...

Ni katika kipindi hiki, kama ninavyoandika blog hii, ndio nafikiria sana nyumbani ambako kuna mwanga mkali na rangi kwa wingi. Nafikiria nikiendesha kwenda Same, nikipita Chalinze, daraja la Wami, Michungwani n.k.

Hapa nipo Dodoma nawekewa kiwese tayari kwa safari ya kwenda Dar

Nafikiria nimekaa Rose Garden nakula nyama choma na kunywa konyagi. Nafikiria niko kwenye saiti ya nyumba naangalia ujenzi unavyokwenda . Haya ndiyo mawazo ya kipindi hiki cha baridi.

Hata hivyo tunatumaini kuwa theluji itaanguka tena na kutakuwa na mwanga. Mwezi wa Februarii ukifika kuna theluji nyingi katika arshi na jua linawaka kwa nguvu (halina joto). Mwezi wa Aprili theluji inaanza kuyeyuka na mimea kuchomoza tena, ndege wanarudi kutoka Afrika na sauti zao zinaanza kusikika. Sauti za ndege hao husaidia kuondoa utando wa wingu la giza mioyoni mwa watu.

Mwezi wa Juni jua na joto ni kali, mimea na majani imeota na nchi nzuri inapendeza kama postikadi. Kipindi cha kiangazi ni wakati ambapo watu wengi wanachukua likizo na kufanya mambo mengi ya kujiburudisha au michezo inayohusiana na kipindi hicho. Kipindi hicho kinakuwa kama sikukuu ndefu ambapo kila mtu anafurahia kuwepo kwa jua na joto baada ya kipindi kirefu cha giza, baridi na theluji.

Wakati wa kiangazi ni wakati wa hobi mbalimbali

au kuchoma nyama